Velkomen til tømming av garasjen med lopper!

Framtida til loppemarknaden er usikker og me har landa på at me skal bruke laurdag 24. september til å selja det me har att frå tidlegare år. Det er ikkje så mykje, men det blir for gale om det går i ein containar!

Me legg opp til nokre hyggjelege timar med sal av lopper, og noko å drikke og bite i.

Informasjon:
Kvar: Vestibylen på Lyngmo
Når: 24 sep. 12- 16
Korleis: Nærare garasjesal enn loppis. Ta med deg mobilen (Vipps) og godt humør, så vert dette ein koseleg møteplass denne dagen.
Kva: Det er viktig å presisere at det ikkje er veldige mengder med lopper. Me tenker at det er nokre kupp å finne sjølv om det ikkje er same størrelsen eller organisert slik som vanleg.
Parkering: Bruk Lyngmo parkeringa i bakken og storeparkeringa.

Bakgrunn:
For fleire er Loppemarknaden på Lyngmo ein årleg tradisjon, no opplev me at det er litt vanskeleg å sjå korleis framtida til Loppemarknaden vert sjåande ut. Komiteen har landa på at viss det skal fortsette å vere loppemarknad må me har fleire som ynskjer å bidra. Vidare står me no utan lagring etter mongen år der me har vore heldige å fått vere same plassen, noko som har vore ein veldig velsigining! Me har vore i kontakt med litt forskjellige folk ang. lagring, men har ikkje funne noko enno. Har du tips til lagring, ikkje nøl med å ta kontakt med Lyngmo (lyngmo@lyngmoinfo.com).