Familieleir på Lyngmo i palmehelga

Påmelding og prisar

*Start av påmelding vert annonsert*

Klikk her for å komme til påmelding 2024!
Her finn du også brosjyre, informasjon om leiarar, prisar med meir

KVIFOR FAMILIELEIR?

Me trur at familieleir er ein viktig arena for trusopplæring. Me ønskjer å gje borna og dei vaksne felles opplevingar som bind saman familiane og som kan hjelpe familiane til å leva ut eit liv i etterfølging av Jesus!

Det er flott å feire påsken og Jesus sin oppstandelse saman med familien!

Formidling av påskebodskapen

Barnesamlingar: Barna er viktige for oss! Det er fleire aldersgrupper slik at alle får eit tilpassa opplegg. Me ønsker å nå barn og ungdom frå 0 – 18 år. Det vert bibelhistorie, song, leik, moro og hobbyaktivitetar.

Bibeltimar: Under barnesamlingane får dei vaksne ei eiga samling, der ein går litt meir grundig inn i Bibeltekstane.

Familiesamlingar: Korte møter med borna i fokus. Me skal syngja, lytta til bibelhistorie og samla inn pengar til Barnas Misjonsprosjekt eller eit anna misjonsprosjekt! Søndag vert det sjølvsagt den obligatoriske leirkvelden!

Betweens- og ungdomssamling: Eiga samling om kvelden for 4. klasse og oppover. Sosialt og kort andakt / fellesskap. Ungdommane frå 7. klasse og oppover har si eiga samling.

Kveldssamling: For dei vaksne vert det eiga samling med meir tid til lovsong og fellesskap på kveldane. Me tek oss også tid til samtale og forbønn.

Bønnerommet: Dette er ope under leiren og det vert eigne bønnesamlingar for dei som ønskjer å bli med på det!

Familietid

Me prioriterer mykje tid til at familiane kan gjere aktivitetar saman:

Snø: Det er gode forhold for slalom, aking og langrenn i Sogn skisenter. Dersom det er lite snø på Hafslo kan ein også reise til Sogndal skisenter eller Sognefjellet.

Bading: Ta gjerne turen til Lustrabadet, som er eit flott badeanlegg, ein av dagane!

Nysgjerrig: ViteMeir er vitensenteret i regionen og har fleire spennande aktivitetar. Sjå, prøv og opplev!

Spel og leik saman med borna: Me oppfordrar de som er vaksne til å bruke tid saman med borna på leiren! Bruk gymsalen vår, aktivitetsrommet eller finn fram brettspela og gjer noko kjekt saman!