Inspirasjonshelg for kvinner

Inspirasjonshelg for kvinner arrangerast i samarbeid mellom Lyngmo og kvinnearbeidet på SIM (Sogndal Indremisjonsforsamling). Inspirasjonhelga på Lyngmo er ei varm og god helg for både ånd, sjel og legeme. Med deilige rom, nydeleg mat og flotte fasilitetar legg Lyngmo til rette for ei avslappande og forfriskande helg for jenter/damer i alle aldrar.

Familiekjensla oppstår fordi me er damer ilag som snakkar sant om livet og trua, og som støttar og oppmuntrar kvarandre. Kvart år kjem det spennande personar som underviser både aktuelt, oppmuntrande, styrkande og utfordrande, i tillegg til at det er fantastisk lovsong.

Me ynskjer at denne helga kan knyte oss saman med sterke band slik at me frimodig kan leve Jesuslivet i familiane og arbeidsplassane våre heime der me bur.