Utrusta
Link til årets arrangement og påmelding!
Utrusta er ein leir for deg som er 18 år og oppover. Det er ein leir som er meint til å utruste deg til livet med Jesus samtidig som du kan leike, ete god mat, bli kjent med andre kristne og få tilbake den gode gamle leirkjensla. I løpet av helga vil det bli god forkynning og fellesskap med moglegheit til å gje respons på det du høyrer og opplever.
På laurdagen kan du velje mellom fleire aktivitetar. Noko for dei som liker å sitte inne, og noko for dei som treng å få bevegd seg litt ute. På fritida vil det vere mange moglegheiter til å bruke tid med Jesus, prate og drikke kaffi i peisestova, finne på noko i gymsalen, eller spele spel.
Godt Felleskap i Guds nævær:
Målet med helga er å skape ein felles trygg arena der me kan lære, vekse og bli utrusta i tru saman. Me har trua på at det å lære meir om bibelen og øve saman, samt kanskje få nokre praktiske tips, vil gjere oss meir utrusta til å ta med Jesus i kvardagen. Ikkje minst ynskjer me å skape ein gøy leir der du kan få ledd, bli utfordra og kose deg saman med andre kristne. Me ynskjer eit godt fellesskap i Guds nærvær.
